Beste [FNAME]
Dit is vir my aangenaam om julle mee te deel dat RSG se nuwe Programbestuurder Graig-Lee Vernon Smith is. Hy het uitgeblink in die onderhoude en is boonop geen vreemdeling vir RSG nie. Ek is waarlik opgewonde om saam met Graig-Lee te begin werk, en ek is seker luisteraars sal mettertyd sy aanslag ervaar. (Lees meer oor Graig-Lee.)
Covid is onvoorspelbaar. Een mens seil daardeur, die ander beland in ‘n waaksaal. Dit karring aan jou longe en smokkel dan met jou kop. Ek en ander lede van die RSG-span kan eerstehands daarvan getuig. Elkeen van ons ken nou al iemand wat deur Covid ge-eis is. Dus: bly tog so veilig moontlik, saniteer gereeld, kry die enstof as dit jou beurt is, en vermy samekomste.
Jy het steeds tyd om voor 16 Augustus vir die Sanlam/RSG Radiodramaskryfkompetisie – met ’n allermintige R115,000 totale prysgeld – in te skryf.
Al is ons RSG-span nog nie volledig nie, bly ons aan die gang en kreatief – ons nuwe dokumentêre seisoen, en verskeie nuwe musiekreekse, het pas afgeskop – luister gerus.
Kom neem deel aan die Beeld Kinderfondsprojek en staan ‘n kans om groot pryse te wen terwyl jy kinders help, en teken ook in op “Die Dag van Môre”,’n nuwe aanlyn sepie-konsep oor die nood en vreugde van werklike en fiktiewe karakters se lewens.
Bly veilig en bly warm!
Groete,
Louise en die RSG-span
