Beste [FNAME]
Dit gons behoorlik agter die skerms om alles gereed te kry vir voorbereidings vir die 85-jarige vieringe van Afrikaanse radio!
Daar word ook gewoel en gewerskaf met bemarkingsagentskappe en digitale platforms, voorleggings en vergaderings met kliënte, advertering van vakante poste, kwartaallikse evaluerings, en vernuwing van stasie- en program promos.
Die tegniese afdeling wend ook ‘n daadwerklike poging aan om sendersteurnisse op te los en daar is so ‘n paar tegniese projekte wat aandag kry.
Noudat ons weer rugby-wedstryde regstreek op RSG uitsaai, het ons opnuut besef hoe belangrik radio-kommentaar van rugby vir ons blinde luisteraars is. Pieter van den Berg vertel meer.
RSG en Beeld Kinderfonds neem weer vanjaar hande om kinders in nood te ondersteun. Inligting oor hoe om deel te neem en in aanmerking te kom vir die bonuspryse en die prystrekking vir ‘n splinternuwe motor, word gereeld op lug gegee.
RSG sal ook die Stiging vir Orgaanskenkers gedurende Augustus belig en ons moedig luisteraars aan om as orgaanskenkers te registreer.
Dankie dat jy deel is van die RSG familie. Deel gerus die RSG nuusbrief met jou vriende en familie, laat hulle ook gratis intekenare word en gereeld op hoogte bly van inligting.
Tot volgende keer,
Louise en die RSG-span
