Beste [FNAME]
Hierdie was ‘n uitsonderlike jaar op vele gebiede en het verbygesnel.
Ek kyk terug op die hoogtepunte eerder as die uitdagings.
Die Covid inperkingsmaatreels is gelig en dit het weer kunstenaarsoptredes, feeste en sportbyeenkomste moontlik gemaak.
RSG het ‘n paar Springbokrugbywedstryde volledig uitgesaai ná ‘n paar jaar se droogte.
Die stasie het ‘n paar nuwe programme bekend gestel en ‘n deurwinterde Programbestuurder, Bemarkingsbestuurder, Verkopebestuurder en ander permanente personeel is hierdie jaar aangestel
Natuurlik was die grootste hoogtepunt die viering van 85 jaar van Afrikaanse radio wat vir aangename nostalgie op lug en ‘n 2-uur lange spesiale ‘U eie keuse’ konsert gesorg het! Kyk ook na die foto's wat geneem is. Daar was ook ander feesvier-programme wat weer ‘n luister werd is.
‘n Besonderse Kersdagprogram lê voor saam met ekstra bederfprogramme gedurende die feesseisoen tussen 26 Desember en 8 Januarie.
Intussen word daar ook hard gewerk om ‘n paar nuwe reekse en ‘n dokumentêre seisoen in Januarie 2023 bekend te stel.
Mag die naderende feesseisoen ook met vrede, liefde en aanvaarding gevul wees.
Baie dankie vir jou ondersteuning die afgelope jaar, dankie dat jy elke keer RSG kies en ingeskakel bly. RSG waardeer jou! Geniet die brokkies en foto’s, en mag ons verder saamkuier in 2023.
Tot volgende keer,
Louise en die RSG-span
